पाइलट सेढाईं मुम्बईमा बिते, बैंकर श्रेष्ठ मेडिसिटीमा

गत साता सोलुखुम्बुमा भएको हेलिकोप्टर दुर्घटनामा घाइते पाइलट प्रकाश सेढाईंको निधन भएको छ । मनाङ एयरको कल साइन ९ एन–एएनजे हेलिकोप्टर लोबुचेमा दुर्घटनाग्रस्त हुँदा सेढाईं गम्भीर घाइते भएका थिए । 

असोज २७ गते बिहान लुक्लाबाट लोबुचे उडेको हेलिकोप्टर दुर्घटनामा गम्भीर घाइते भएका उनलाई राजधानीको ह्याम्स अस्पतालमा उपचारपछि मुम्बईको नेसनल बर्न सेन्टर लगिएको थियो । तर उपचारको क्रममा हिजो निधन भएको हो ।

यता, एभरेष्ट बैंकका अध्यक्ष बिके (विष्णुकृष्ण) श्रेष्ठ पनि बितेका छन् । लामो समयदेखि बिरामी परेका उनको ललितपुरको मेडिसिटी अस्पतालमा अस्ति निधन भएको हो । श्रेष्ठको हिजै पशुपति आर्यघाटमा दाहसंस्कार गरिएको पारिवारिक स्रोतले बताएको छ ।