'आशिकी-३' मा कार्तिकसँग रोमान्स गर्दै तृप्ति

बलिउड अभिनेत्री तृप्ति डिमरीले आधा दर्जन फिल्मको मुख्य भूमिकामा अभिनय गर्दासमेत दर्शकले खासै रुचाएनन् । तर केही साताअघि ब्लकबस्टर भएको फिल्म 'एनिमल'मा उनले निभाएको सहायक भूमिकाको भने एकाएक चर्चा बढेको छ । 

कारण हो, उनले फिल्ममा दिएको बोल्ड सिन् । त्यसअघि तृप्तिले 'लैला मजन्नु', 'कला', 'बुलबुल' मा आफ्नो अभिनयको जादु फ्याँक्ने प्रयास नगरेकी भने होइनन् । तर उनको जादु खासै चलेन । र अन्ततः 'एनिमल'मा निभाएको छोटो भूमिकाले नै उनलाई करिअरकै लामो उचाइ दिलायो । 

त्यसयता चर्चामा आएकी तृप्ति अब 'आशिकी-३' देखिने भएकी छन् । जसमा उनले अभिनेता कार्तिक आर्यनसँग रोमान्स गर्नेछिन् । 

भुषण कुमारले निर्माण गर्ने उक्त फिल्मको छायांकन सन् २०२४ मार्चदेखि सुरु हुने भारतीय सञ्चारमाध्यमहरुले उल्लेख गरेका छन् । 

'आशिकी २' प्रदर्शन भएको १० वर्ष पछि तेस्रो सिक्वेल बन्न लागेको हो ।