रेखा थापाले छोरी जन्माइन्, वैभवी राज्यलक्ष्मी नाम राखियो
अभिनेत्री रेखा थापालाई पुत्रीलाभ भएको छ । उनले आज पहिलो सन्तानको रुपमा छोरीलाई जन्म दिएकी हुन् ।
दुई महिनाअघि अमेरिका गएकी रेखाले आज क्लोराडोको एक अस्पतालमा छोरी जन्माएको सामाजिक सञ्जालमार्फत जानकारी गराएकी छन् । जन्मनेबितिक्कै छोरीको नाम वैभवी राज्यलक्ष्मी शाही ठकुरी राखिएको छ ।
सामाजिक सञ्जालमा सार्वजनिक गरिएको तस्वीरमा उनका श्रीमान बलराम शाही ठकुरी पनि देखिएका छन् ।
पुत्रीलाभ गरेर एउटा खुशी परपर गरेकी रेखाले अर्को खुशी आगामी फागुन २५ मा पाउने सम्भावना छ । पाँच वर्षपछि रेखाको नयाँ चलचित्र उपहार रिलिज हुँदैछ ।
टिप्पणीहरू