धेरै हल्लिएपछि सिंगापुर एअरलाइन्सको विमान आकस्मिक अवतरण, एक जना यात्रुको निधन

बेलायतको लण्डनबाट सिङ्गापुरतर्फ उडेको सिङ्गापुर एअरलाइन्सको एउटा विमान बैंककमा आकस्मिक अवतरण गरेको छ । आँधीबेहरीको चपेटामा परेपछि विमान आकाशमा निकै जोडसँग हल्लिएकाले एक जना यात्रुको निधन भएको छ । बताइएअनुसार अन्य ३० बढी घाइते छन् ।

‘टर्ब्युलन्स’ का कारण उडिरहेको बोइङ ७७७–३०० ईआर विमानलाई बैंककमा अवतरण गराइएको हो । २११ जना यात्रु र १८ जना चालकदलका सदस्य रहेको उक्त विमानभित्र भएको थप क्षतिबारे केही बताइएको छैन ।

स्रोत : बीबीसी ।