काठमाडौं–पोखरा दुई दर्जन उडान रद्द

खराब मौसमका कारण आज आन्तरिक उडान प्रभावित भएको छ । विशेषगरी काठमाडौंबाट पोखरा र पहाडी क्षेत्रमा तय गरिएका उडान लगातारको वर्षाका कारण रोकिएका हुन् । 

तराई क्षेत्रका केही उडान दिउँसो भए पनि अरु साँझ परेपछि हुन थालेको छ । आज सबैभन्दा धेरै उडान रद्द काठमाडौं– पोखरा सेक्टरको भएको बताइएको छ ।

बुद्ध एअरको १२ र यती एअरलाइन्सको १० उडान रद्द भएको हो । त्यस्तै श्री एअरलाइन्सको पोखराका तीन उडान पनि आज रद्द गरिएको छ ।