हिलाम्मे सडकमा गाडी फसेपछि राजमार्ग अवरुद्ध, वैकल्पिक मार्ग प्रयोगका लागि अनुरोध

तनहुँको मनहरीमा हिलाम्मे सडकमा सवारी साधनहरु फसेपछि पृथ्वी राजमार्ग अवरुद्ध भएको छ । सडक अवरुद्ध भएकाले पोखराबाट मुग्लिनतर्फ आइरहेका र मुग्लिनबाट पोखरातर्फ गइरहेका सवारी साधनका यात्रुहरु बिचल्लीमा परेका छन् ।

मुग्लिन–पोखरा सडक खण्ड विस्तारको क्रममा लगातारको वर्षापछि उक्त स्थानमा सडक हिलाम्मे भएको छ । उक्त सडक हिजोदेखि नै अवरुद्ध थियो । 

आज बिहान एकतर्फी यातायात सञ्चालनमा आएको बताइएपछि पुनः गाडी फसेको हो । वैकल्पिक रुपमा दमौलीको भोर्लेटार चोकबाट लमजुङको दुईपिप्ले हुँदै कास्कीको देउराली जाने बाटो प्रयोग गर्न आग्रह गरिएको छ ।