महिला सांसदहरुको टोली मध्यराती चीनतिर
संघीय संसदका झण्डै एक दर्जन महिला माननीय चीन गएका छन् । उनीहरु राजधानी बेइजिङमा आयोजित दक्षिण एशियाली महिला राजनीतिक नेतृत्वसम्बन्धी सेमिनारमा भाग लिन गएका हुन् । हिजो राति पौने १२ बजे चाइना साउदर्नको उडान नम्बर सिजेड ३०६८ मा १२ जनाको टोली काठमाडौंबाट ग्वाङचौ प्रस्थान गरेको छ ।
टोलीमा सुशीला श्रेष्ठ,सूर्यकुमारी श्रेष्ठ, अमृता अग्रहरि,कल्पना मियाँ कुसारी,दुर्गा राई, ललिताकुमारी चौधरी, हर्कमाया विश्वकर्मा, बिनिताकुमारी सिंह, ईश्वरी घर्ति छन् । त्यसैगरी सहायक निर्देशक देविका घर्ति मगर,शाखा अधिकृत प्रतिमा ढकाल र विज्ञ राजकुमारी चौधरी पनि टोलीमा रहेको जनाइएको छ ।
सांसदहरुको टोली साउन २ गते राति स्वदेश फर्कने कार्यक्रम छ ।
टिप्पणीहरू