एकीकृत समाजवादी छाडेका कमरेडहरु एमालेतिर

नेकपा एकीकृत समाजवादी परित्याग गरेका काठमाडौंका केही नेता तथा कार्यकता एमाले प्रवेश गरेका छन् । काठमाडौं जिल्ला कमिटीका उपाध्यक्ष बटुकृष्ण थापा, सचिव ध्रुवराज न्यौपानेलगायत दुई दर्जन बढीले पार्टी परित्याग गरेका हुन् ।

एकीकृत समाजवादीको क्षेत्र नम्बर ७ का संयोजक तथा युवा फाँट इन्चार्ज हरिशरण घिमिरे, जिल्ला सचिवालय सदस्यहरु सुशीला खतिवडा, राजकुमार महर्जन, शिवहरि देवकोटाले पनि एमाले रोजेका छन् । हिजो आयोजित कार्यक्रममा एमाले प्रवेश गरेकामा कीर्तिपुर नगर कमिटी अध्यक्ष रोहित महर्जन, सचिव गृष्म महर्जन, उपसचिव नारायणहरी थापा पनि हुन् ।

पार्टीको बूढानीलकण्ठ नगर कमिटी उपाध्यक्ष विष्णु भट्टराई, सचिव विमल लामा, युवा संघ बूढानीलकण्ठ अध्यक्ष आकाश श्रेष्ठ, युवा संघका केन्द्रीय सदस्य मेघकुमार न्यौपाने, दिपेश थापा, कृष्णहरी खड्का पनि औपचारिक रुपमा एमाले प्रवेश गरेको जनाइएको छ ।

एकीकृत समाजवादी महिला संघ काठमाडौं जिल्ला उपाध्यक्ष पुष्पा थापा, काठमाडौं क्षेत्र नम्बर ९ का संयोजक तोरण थापा, चन्द्रागिरी नगर अध्यक्ष प्रदिप रिजाल, काठमाडौं क्षेत्र नम्बर १० (ख) का प्रदेश संयोजक राजाराम कार्की र पार्टी निकटस्थ शिक्षक संगठन काठमाडौंका अध्यक्ष इन्द्रप्रसाद सिम्खडाले पनि एमालेको अबिर र खादा पहिरिएका हुन् ।