सेनाको हेलिकोप्टरमा प्रधानमन्त्री धुलिखेल जाँदै, रक्षामन्त्री पूर्व

प्रधानमन्त्री केपी शर्मा ओली धुलिखेल जान लाग्नुभएको छ । उहाँ बिहान १० बजे बालुवाटारबाट सेनाको कल साइन ९ एन ०६७ अगुस्ता हेलिकोप्टरमा त्यता जाने बताइएको छ । 

प्रधानमन्त्री धुलिखेलस्थित काठमाडौं विश्वविद्यालय पुगेर पुनः सोही हेलिकोप्टरमा बालुवाटार फर्कनुुहुने छ । आज विश्वविद्यालयले दीक्षान्त समारोहको आयोजना गर्दैछ । 

रक्षामन्त्री मानवीर राई बिहानै पूर्व जाने कार्यक्रम तय भएको छ । उहाँ सेनाको हेलिकोप्टर एनए ०५८ अगुस्ता हेलिकोप्टरमा बिहान साढे ७ बजे काठमाडौंबाट सुनकोशी कोरिडोर, ओर्लाङघाट, थामे, फाप्लु पुग्ने बताइएको छ । उहाँ सोही हेलिकोप्टरमा मध्यान्ह राजधानी फर्कने मन्त्रालय स्रोतले जानकारी दिएको छ ।