आगामी केही दिन धान नकाट्न र माछा नमार्न नगरपालिकाको आग्रह
कञ्चनपुरको शुक्लाफाँटा नगरपालिकाले धानबाली नकाट्न किसानलाई आग्रह गरेको छ । नगरपालिकाले वर्षा र झरीको सम्भावना रहेको औंल्याउँदै आगामी आइतबारसम्म धान नकाट्न सुझाव दिएको छ ।
मौसम पूर्वानुमान महाशाखाका अनुसार आइतबारसम्म भारी वर्षाको सम्भावना छ । वर्षाले विशेषगरी कृषि क्षेत्रलाई बढी प्रभाव पार्ने भएकाले नगरपालिकाले उक्त अवधिसम्म धानबाली नकाट्न सूचित गरेको छ ।
नगरभित्रका साना तथा ठूला नदीहरुमा माछा नमार्न अनुरोध गर्दै पालिकाले बाढी, डुबान र कटानको जोखिम देखिएमा सम्बन्धित वडा कार्यालय, सुरक्षा निकाय र रेडक्रम सोसाईटीमा खबर गर्न भनिएको छ ।
टिप्पणीहरू