थाइ विमानमा सात जना, भैरहवा–बैंकक भाडादर १२ हजार

थाइ एयर एसियाले बैंकक–भैरहवा–बैंकक उडान थालेको छ । बैंककबाट आएको उक्त एअरको विमान आज बिहान भैरहवाको गौतमबुद्ध अन्तर्राष्ट्रिय विमानस्थलमा अवतरण गरेको छ । 

बिहान ७ बजे भैरहवा विमानस्थलमा अवतरण गरेको विमान ७ः४० बजे बैंकक प्रस्थान गरेको थियो । विमानमा चालक दलका सात सदस्य मात्रै रहेको बताइन्छ ।

उक्त विमान कम्पनीले अबदेखि साताको दुई दिन सोमबार र बिहीबार उडान गर्ने तालिका छ । मंसिर २४ गतेदेखि नियमित उडान थाल्ने र हाललाई भैरहवा–बैंकक एकतर्फी भाडादर १२ हजार रुपैयाँ तोकिएको छ ।