बेमौसमी वर्षाले पाकेको धानमा क्षति, किसान चिन्तित

काठमाडौं उपत्यकासहित मुलुकका विभिन्न भागमा वर्षा भएको छ । राजधानीको उत्तरी भेग बूढानीलकण्ठ वरपर ठूलै परेको छ भने अन्यत्र छिटपुट वर्षा भएको बताइन्छ। 

आज बिहानैदेखि कोशी, बागमती, गण्डकी, लुम्बिनी, कर्णाली, सुदूरपश्चिम प्रदेशका पहाडी भूभागमा छिटपुट, सामान्य र हल्का वर्षा भएको छ । मौसममा भोलिदेखि सुधार आउने जल तथा मौसम विज्ञान विभागले जनाएको छ।

तर, बेमौसमी वर्षाका कारण पाकेपछि भित्र्याउन ठिक्क पारिएको धानमा क्षति पुगेकाले किसानहरु चिन्तित देखिन्छन् । आज राति उच्च पहाडी तथा हिमाली भूभागका केही स्थानमा हल्का हिमपातको सम्भावना पनि छ ।