कृषि विश्वविद्यालयमा उपकुलपति नियुक्त गरिँदै

कृषि तथा वन विज्ञान विश्वविद्यालयको रिक्त उपकुलपति नियुक्तिका लागि दरखास्त आह्वान गरिएको छ । उपकुलपति नियुक्तिका लागि नाम सिफारिस गर्न गठित छनोट तथा सिफारिस समितिले दरखास्त आह्वान गरेको छ । 

इच्छुक तथा योग्य व्यक्तिले आगामी १० दिनभित्र आवेदन पेश गर्न सक्नेछन् । शिक्षा, विज्ञान तथा प्रविधि मन्त्रालयको उच्च शिक्षा शाखामा तोकिएको ढाँचामा आवेदन पेश गर्नुपर्ने छ । 

जारी सूचनामा भनिएको छ, ‘कृषि तथा वन विज्ञान विश्वविद्यालयको रिक्त उपकुलपतिका लागि ‘कृषि तथा वन विज्ञान विश्वविद्यालयको उपकुलपति छनोट तथा सिफारिससम्बन्धी कार्यविधि, २०८१’ बमोजिम दरखास्त आह्वान गरिएको छ । इच्छुक तथा योग्य व्यक्तिले शिक्षा, विज्ञान तथा प्रविधि मन्त्रालयको उच्च शिक्षा शाखामा उल्लिखित कार्यविधिको अनुसूची–१ मा उल्लेख गरिएको ढाँचामा यो सूचना प्रकाशित भएको मितिले १० दिनभित्र कार्यालय समयमा दरखास्त पेश गर्न आह्वान गरिन्छ ।’