सुर्खेतमा गाडी दुर्घटना, तीन जनाको मृत्यु

सुर्खेतमा फोर्स गाडी दुर्घटना हुँदा तीन जनाको ज्यान गएको छ । आज दिउँसो दैलेखबाट सुर्खेत आउँदै गरेको कर्णाली प्रदेश ०२००१ ख ०९९८ नम्बरको गाडी दुई जिल्लाको सीमाना रानीमत्तामा दुर्घटना हुँदा तीन जनाको मृत्यु भएको हो । 

दुर्घटनामा दुई दर्जन बढी यात्रु घाइते भएका छन् । उनीहरुको उद्धार गरी उपचारका लागि अस्पताल पठाइएको जिल्ला प्रहरी कार्यालय सुर्खेतले जानकारी दिएको छ । 

गाडी सडकबाट दुई सय मिटर तल खसेको प्रहरीले जनाएको छ । घटनाबारे थप विवरण आउन बाँकी छ ।