बाँचेको खुशीयालीमा बाजागाजा

सवारी दुर्घटनामा ज्यान जोगिएको खुशीयालीमा उपचार सकाएर घर फर्केका एक जना घाइतेको कालिकोटमा भव्य स्वागत गरिएको छ । रासकोट नगरपालिका वडा नम्बर २ निवासी खैरे सार्कीको गाउँमा यसरी भव्य सम्मान गरिएको हो ।

उनलाई गाउँलेले बाजागाजा बजाउँदै फूलमाला र अबिर लगाएर स्वागत गरेका थिए । प्रत्यक्षदर्शीहरुका अनुसार आफन्त र परिवारका सदस्यले पैसाको मालासँगै उनलाई टीका लगाइदिएका थिए । दुर्घटनामा बाँचेर घर फर्केको खुशीमा गाउँटोल घुमाएर चिउरा बाँडिएको थियो ।

आइतबार कालिकोटको पलाँता गाउँपालिकामा भएको जीप दुर्घटनामा सार्की घाइते भए । जीपमा सवार अन्य सात जनाले मृत्युवरण र १३ जना घाइते भएका छन् ।