पोखरा एभेञ्जर्सको विराटनगर किङ्ग्समाथि रोमाञ्चक जित

नेपाल प्रिमियर लिग (एनपिएल) अन्तर्गत पोखरा एभेञ्जर्सले विराटनगर किङ्ग्समाथि रोमाञ्चक जित निकालेको छ । पहिलोपल्ट सुपरओभरसम्म पुगेको खेलमा पोखरा हाबी भएको हो । 

सुरुमा टस जितेर ब्याटिङ्गमा उत्रिएको विराटनगर किङ्ग्सले १४० रनको लक्ष्य दिएको थियो । पोखरा एभेञ्जर्सले निर्धारित ओभरमा ६ विकेट गुमाएर १३९ रन बनाएपछि खेल बराबरीमा रोकियो । योसँगै सुरपओभरमा पोखराले विराटनगरलाई १९ को लक्ष्य दिएको थियो । तर विराटनगरले पाँच रन मात्र बनाएकाले हार व्यहोरेको हो । 

विराटनगरका लागि बलिङमा कप्तान सन्दिप लामिछाने खासै जम्न सकेनन् । उनले दुई छक्कासहित एक चौका दिए । बरू पोखराको लागि रेमन राइफर अन्तिममा हिरो बनेर प्रस्तुत भए ।

त्यसअघि विराटनगरका लागि स्कट एडवार्ड्सले ३५ बलमा ४५ रन बनाएका थिए । त्यस्तै, लोकेश बम र निकोलस किर्टोनको क्रमशः २६ र १९ रनले विराटनगर किङ्ग्सलाई सुपरओभरसम्म पुर्याएको थियो ।

आजको जितसँगै पोखरा एभेञ्जर्सकोले प्लेअफ खेलको सम्भावना कायमै राखेको छ ।