काठमाडौं विश्वविद्यालयमा उपकुलपति नियुक्तिको तयारी
काठमाडौं विश्वविद्यालयमा रिक्त हुन लागेको उपकुलपति पदमा नयाँ नियुक्ति प्रक्रिया अघि बढाइएको छ ।
उपकुलपति नियुक्तिका लागि नाम सिफारिस गर्न गठित खोज तथा सिफारिस समितिले आज सूचना जारी गर्दै दरखास्त आह्वान गरेको हो । ‘काठमाडौं विश्वविद्यालयको उपकुलपति खोज तथा सिफारिससम्बन्धी कार्यविधि, २०८१’ बमोजिम दरखास्त आह्वान गरिएको समितिले जनाएको छ ।
सूचनामा इच्छुक तथा योग्य व्यक्तिलाई आगामी दश दिनभित्र ललितपुरको बालकुमारीस्थित विश्वविद्यालयको स्कुल अफ मेनेजमेन्टमा आवेदन पेश गर्न भनिएको छ । दरखास्त दिने अन्तिम दिन सार्वजनिक बिदा परेमा त्यसको भोलिपल्ट दिन सकिनेछ ।
यससम्बन्धी विस्तृत जानकारी विश्वविद्यालयको वेबसाइटमा राखिएको छ ।
टिप्पणीहरू