बाख्रा चराउन गएकी महिलालाई बाघले खायो

बर्दियाको ठाकुरबाबा नगरपालिकाको मुक्तिपुर सामुदायिक वनमा बाघको आक्रमणबाट एक महिलाको ज्यान गएको छ । स्थानीय ४० वर्षिया महिला पदमकला थापाको शव बाघले आक्रमण गरे घिसार्दै लगेको अवस्थामा फेला परेको छ ।

सामुदायिक वनको चौरमा बाख्रा चराउन गएकी ठाकुरबाबा नगरपालिका ७ की थापामाथि पाटे बाघले आक्रमण गरेको हो । बर्दिया राष्ट्रिय निकुञ्जका कर्मचारी, नेपाली सेना, नेपाल प्रहरी र स्थानीयको टोलीले थापाको शव फेला पारेको छ । 

शव पोस्टमार्टमका लागि सदरमुकामस्थित गुलरिया अस्पताल लैजाने तयारी छ । सो क्षेत्रमा गत भदौ महिनामा पनि बाघको आक्रमणबाट बाँसगढीमा एक महिलाको ज्यान गएको थियो ।