भूतपूर्व सशस्त्र प्रहरी संघमा नयाँ नेतृत्व

पूर्वसशस्त्र प्रहरी संघको अध्यक्षमा नारायणबाबु थापा चुनिएका छन् । 

संघको १७औँ साधारणसभा तथा छैठौँ केन्द्रीय अधिवेशनबाट सशस्त्रका अवकाश प्राप्त अतिरिक्त महानिरीक्षक (एआइजी) थापा सर्वसम्मत अध्यक्षमा चयन भएका हुन् । उनको अध्यक्षतामा निर्वाचित ३९ सदस्यीय कार्य समितिका सदस्यले हल्चोकस्थित सशस्त्र मुख्यालयमा आयोजित विशेष समारोहबीच शपथ ग्रहण गरेका छन् ।

हिजो सम्पन्न कार्यक्रममा संघका नवनिर्वाचित पदाधिकारी र सदस्यहरुलाई प्रमाणपत्र वितरण गर्नुका साथै जिम्मेवारी हस्तान्तरण गरिएको थियो ।