महाकुम्भमा भीषण आगलागी
भारतको उत्तर प्रदेशस्थित प्रयागराजमा जारी महाकुम्भ मेलामा भीषण आगलागी भएको छ । दर्शनार्थीहरुको खाजा तथा नास्ता बनाउने अस्थायी टहरामा लागेको आगोमा धेरै जना घाइते भएको बताइन्छ ।
आगलागीमा पराल र प्लास्टिकका तीन दर्जनभन्दा बढी टहरा जलेका छन् । हताहतीबारे जानकारी लिने प्रयास भइरहेको त्यहाँको प्रहरीले जनाएको छ ।
दमकलहरुबाट आगो निभाउने प्रयास भइरहेको छ । सुरक्षाकर्मीहरुले दर्शनार्थीहरुलाई सुरक्षित ठाउँमा स्थान्तरण गरिरहेको भारतीय सञ्जारमाध्यमले जनाएका छन् । आगलागीबाट भएको क्षतिको पूर्ण विवरण आउन बाँकी छ ।
टिप्पणीहरू