यो वर्षको उत्कृष्ट बाहिनी सशस्त्रको नम्बर ३ गढीमाई
सशस्त्र प्रहरी बल नेपालको नम्बर ३ गढीमाई बाहिनी मुख्यालय मकवानपुर यो वर्षको उत्कृष्ट बाहिनी कार्यालयबाट सम्मानित भएको छ । डिआजी गणेश ठाडामगर नेतृत्वमा रहेको उक्त बाहिनीलाई आज सशस्त्र प्रहरी दिवसको अवसरमा सम्मान गरिएको छ ।
बाहिनीपति एवम् डिआईजी ठाडामगरलाई आज सशस्त्रको मुख्यालय काठमाडौंको हलचोकमा आयोजित २४ औं वार्षिकोत्सव समारोहमा गृहमन्त्री रमेश लेखकले सम्मान गर्नुभएको हो ।
आज तालिम शिक्षालयमा विपद व्यवस्थापन तालिम शिक्षालय कुरिनटार, गणमा नम्बर २१ गण हेडक्वार्टर दक्षिणकाली, गुल्ममा उत्कृष्ट नम्बर ३० गुल्म हेडक्वार्टर स्याङ्जा र नेपाल मद्धती तथा सेवा गुल्म मकवानपुर सर्वाेत्कृष्ट भएका छन् ।
सशस्त्र प्रहरी बल नेपाल केन्द्रीय निरीक्षण एवम् उत्कृष्ट इकाईहरुको छनौट तथा इकाईहरुको योग्यताक्रम निर्धारण सम्बन्धी स्थायी आदेश २०८० बमोजिम मुख्यालयबाट भएको निरीक्षणका क्रममा ती युनिट सर्वाेत्कृष्ट ठहरिएका हुन् ।
यसअघि डिआइजी गणेश ठाडामगर मधेश प्रदेशको छिन्नमस्त बाहिनी प्रदेश २ मुख्यालयका बाहिनीपति हुँदा मधेश प्रदेश सर्वोत्कृष्ट बाहिनी भएको थियो । सर्वोत्कृष्ट घोषित बाहिनीपति एवम् डिआजी ठाडामगरको दुई साताअघि एक वर्ष म्याद थप गरिएको हो ।
टिप्पणीहरू