अछामका दुई किशोरी मृत्यु प्रकरणमा पाँच जना पक्राउ
अछाममा दुई किशोरीको शंकास्पद मृत्युमा पाँच जना पक्राउ परेका छन् । प्रहरीले ११ वर्षदेखि ४० वर्ष उमेरका पाँच जनालाई नियन्त्रणमा लिइएको जनाएको छ ।
ढकारी गाउँपालिकाका–८ की १४ वर्षीया इशरा खड्का र १५ वर्षीया सरस्वती खड्काको मृत्यु डाँडामाथिबाट ढुंगा खसालेर गराइएको आशंका छ । उनीहरुको शव केही मीटरको फरकमा फेला परेको थियो ।
घटनास्थलबाट केही पर रगतको टाटा देखिएकाले अनुसन्धान विभिन्न कोणबाट गर्ने क्रममा पाँच जनालाई पक्रिएको प्रहरीको दाबी छ । अछाम प्रहरीले थप अनुसन्धानका लागि प्रदेश प्रहरी कार्यालयबाट मगाएको विशेषज्ञ जनशक्ति टोली आज बेलुकीसम्म घटनास्थल पुग्दैछ ।
ट्रेन्डिङ पोस्ट
टिप्पणीहरू