कसरी लिक भयो अभिनेत्रीको सेक्स भिडियो ?

अहिले युवा पुस्ताको ओँठमा झुण्डिएको एउटा गीत छ, ‘झिम्झिमाउने आँखा’ । गायक एकदेव लिम्बुले दुई महिनाअघि सार्वजनिक गरेको उक्त गीतको भिडियोलाई अहिलेसम्म एक करोड ८५ लाखले हेरिसकेका छन् । त्यही भिडियोमा फिचर्ड भएर उत्कृष्ट नृत्य र अभिनयबाट चर्चामा आएकी अभिनेत्री तथा मोडल दिकिला शेर्पा भने एक सातादेखि तनावपूर्ण अवस्थाबाट गुज्रिरहेकी छन् । चलचित्र वृत्तमा उदीयमान अभिनेत्रीको रुपमा चर्चा भइरहँदा आफ्नै पूर्व प्रेमीसँगको नांगो (सेक्स) भिडियो लिक भएपछि उनी तनावमा पुगेकी हुन् । 

फेसबुक तथा युट्युबमा समेत पोस्ट र शेयर गर्दा अश्लिल ठहरिने दिकिलाको भिडियो पुस १४ गतेदेखि मेसेन्जर, टेलिग्राम, स्न्यापच्याट, इन्स्टाग्रामकालगायतका डिजिटल एपहरुबाट युवापुस्तामा सर्कुलेट भइरहेको छ । कुनै व्यक्तिसँग सँगै बसेर हेर्न असहज लाग्ने उक्त भिडियोलाई दर्शकले पनि मोबाइलमा लुकेर हेरिरहेको पाइन्छ ।  

आखिर उक्त भिडियो कसरी लिक भयो त ? ठोस कारण नखुले पनि तीन वर्ष पुरानो भिडियो अहिले लिक भएको बुझिएको छ । भारतको सिक्किम घर भएकी उनी काठमाडौँ-मुम्बई आउजाउ गरिरहन्छिन् । स्रोतका अनुसार भिडियो लिक हुँदा काठमाडौँमै रहेकी दिकिला तीन दिनपछि भारत गएकी हुन् । नेपालमा अनुबन्धित भएका म्युजिक भिडियो र चलचित्रको निर्माण टिमलाई उनले ‘मुम्बई गएको’ बताएकी छन् । तर उनीनिकट स्रोत भन्छ, ‘सबैलाई मुम्बई गएको छुँ भन्नुभएको छ, तर खासमा उहाँ सिक्किम जानुभएको हाे ।’ 

भिडियो लिक भएको थाहा पाएलगत्तै दिकिलाले नेपाल हुँदा प्रयोग गर्ने माेबाइल नम्बर अफ गरेको र अहिले सिक्किममा पनि सम्पर्कविहिन भएर बसेको स्रोतले जानकारी दियो । ‘कम्तीमा आफ्नो प्रोजेक्टको टिम मेम्बरलाई मात्र भए पनि उहाँले खबर गर्नुपर्थ्याे, तर उहाँले कसैलाई जानकारी नदिई सिक्किम जानुभएछ’, स्रोतले थप्यो । 

‘सबैलाई मुम्बई गएको छुँ भन्नुभएको छ, तर खासमा उहाँ सिक्किम जानुभएको हाे ।’

भिडियोमा देखिएका पुरुष तथा दिकिलाका पूर्वप्रेमी अंकित लामा पनि भारतमै बस्ने भएकाले कसरी लिक भयो ? नेपालबाट अनुसन्धान गर्न कठिन रहेको स्रोत बताउँछ । 

युवा पुस्ताले औधि रुचाएको भारतीय रियालिटी शो ‘एमटिभी स्पिट्सभिल्ला २०२४’ को प्रतियोगीसमेत रहेकी दिकिला पछिल्लो समय नेपाली चलचित्र ‘माइतिघर’मा अनुबन्धित भएकी थिइन् । कारणवश् उनले त्यस चलचित्रमा काम गर्न पाइनन् । हाल बुद्धि तामाङले निर्माण गर्न लागेको ‘कुस्ती’मा अनुबन्धित भएकी छन् । तर, लिक भएको भिडियो र कन्ट्रोभर्सीले चलचित्रको सम्भावित व्यापारमा असर पर्न सक्ने सम्भावना देखिएपछि अहिले ‘कुस्ती’को निर्माण टिम पनि दिकिलाको विषयमा अन्यौल बनेको बुझिएको छ । फागुनको पहिलो सातादेखि छायांकनमा जाने भनिएको उक्त चलचित्रको लागि अहिले धमाधम कलाकारको वर्कशप भइरहेको छ । तर चलचित्रकी अभिनेत्री दिकिला भने सम्पर्कमै नरहेको निर्देशक अनिल योञ्जनले जानकारी दिए । उनका अनुसार अहिले दिकिला काठमाडौँमा बसेर वर्कशपमा सहभागी हुनुपर्थ्याे । तर उनी सम्पर्कविहिन रहेकाे जानकारी दिँदै निर्देशक याेञ्जनले भने, ‘उहाँ अनुबन्धित भएर काम गर्ने पक्का भएको हो, र वर्कशप पनि शुरु भइसकेको छ । तर  सम्पर्कमा हुनुहुन्न ।’

तुलनात्मक रुपमा दिकिलाको फ्यान फ्लोइङ नेपाल र भारतमा बराबर छ । उनको भिडियो लिक भएपछि शुरुमा ‘डिपफेक भिडियो हो कि’ भनेर आशंकासमेत भएको थियो । तर भारतमा डिपफेक भिडियो नियन्त्रण गर्न सक्रिय रहेका केही ग्राफिक्स कम्पनीहरुले ‘एडिट नभएको भिडियो’ भनेपछि दिकिलालाई झन् तनाव थपिएको हो । 

त्यसो त, स्क्यान्डल लिक हुने नेपाली अभिनेत्री दिकिला मात्र होइनन् । उस्तै भिडियो लिक भएर कन्ट्रोभर्सीमा परेकी नम्रता श्रेष्ठले चलचित्रमा सफल पुनरागमन गरेर उदाहरण दिइसकेकी छन् । त्यस्तै, दिकिलाले अब आँट गरेर चलचित्रमा फर्किन्छिन् वा अहिलेकाे कन्ट्रोभर्सीसँगै विचलित हुन्छिन्, त्यो भने हेर्न बाँकी छ ।