कमेडियनले गायकलाई गिज्याएपछि किचलो
मनोरञ्जन क्षेत्र र कन्ट्रोभर्सी एक-अर्काका पर्यायवाची हुन् भन्दा फरक पर्दैन । नेपाली चलचित्र र सांगीतिक क्षेत्रमा बेला बखत उत्पन्न हुने विवादले कलाकारलाई क्षणिक चर्चामा ल्याए पनि दीर्घकालिन असर पुगेका थुप्रै उदाहरण छन् ।
काठमाडौँ प्रहरी परिसरको कार्यालय अगाडि प्रदर्शन भएको हो ।
कुमा सागर वर्तमान समयका लोकप्रिय गायक हुन् । नेवारी लवज, रैथाने शब्द र लोपोन्मुख बाजाको धुनले उनी र उनका गीत युवामाझ चर्चित छन् । ‘हावाको लहर’, ‘चमेली फूल’, ‘ओ चम्पा’, ‘मलेगाउँ’, ‘परबाट आयौँ तिमी’ जस्ता उनका गीत धेरैले रुचाएको पाइन्छ ।
उनै प्रसिद्ध गायकलाई युटुबर प्रधानको पोडकास्टमा कमेडियन श्रेष्ठ, जिम्बा र सापकोटाले खिसीट्युरी गरेका थिए । कमेडियन श्रेष्ठले गायक सागरको क्यारिकेचर गर्दै गीत गाउन खोज्छन्, ‘परबाट सुन्दा तिम्रो त्यो बोली, मुटुमा लागेर मन रमायो रे... (हाँस्दै)’।
कमेडियन सापकोटाले नेवारी लवजमा थप्छन्, ‘मुटुमा लागेडा....’। श्रेष्ठले दोहोर्याउँदै, ‘मुटुमा लागेडा....ल म्या...अहिले पो रियलाइज भयो त यार...’ भन्छन् । छेवैमा कमेडियन जिम्बा र प्रधान भने खित्का छोडेर हाँसिरहेको देखिन्छ ।
उनीहरुले गायक सागरलाई गिज्याएको, हेलाको भावले प्रस्तुत गरेको र नेपाल भाषाको अपमान गरेको भन्दै नेवारी अभियन्ताहरु रिसाए । त्यसपछि शुरु भएको विवाद चर्किंदै जाँदा अहिले कलह बढेको छ । चारै जनालाई कानुनी कारवाहीको दायरामा ल्याउनुपर्ने अभियन्ताहरुको माग छ ।
प्रहरीले भने संवाद र सहमतिबाट विवाद समाधान गर्ने जनाएको छ । त्यसनिम्ति दुवै पक्षलाई छलफल गराउने प्रयास भइरहेको काठमाडौँ प्रहरी परिसरको भनाई छ ।
ट्रेन्डिङ पोस्ट
टिप्पणीहरू