श्रीमान आफैले बेन्चमा बस्न मानेनन्, अर्को पेशी एक सातापछि

प्रतिनिधिसभा विघटन प्रकरणमा पूर्व महान्यायाधिवक्ता रमण श्रेष्ठको बहस सकिएपछि टी ब्रेकलगत्तै संबैधानिक इजलासमा वरिष्ठ अधिवक्ता शम्भु थापाले विघटन किन असम्बैधानिक छ भन्ने कोणबाट आफ्ना तर्क राख्नुभएको छ ।

सङ्गसङ्गै ओली सरकारको पूर्व महान्यायाधिवक्ता र हालका महान्यायाधिवक्ता अग्नि खरेलको समेत एकताका ल फर्म पार्टनर रहिसकेकोले हरिकृष्ण कार्की श्रीमानले स्वार्थ जोडिने यो मुद्दा कसरी हेर्न मिल्छ ? भन्ने कोणबाट कुरा उठेपछि च्याम्बरभित्र पस्नुभएका श्रीमानहरुमध्ये कार्की श्रीमानले इजलासमा आएर म यो बेन्चमा बस्दिन भन्नुभएको छ ।

अब अर्को बुधबार उहाँबाहेकको नयाँ बेन्च गठन भई त्यसले बल्ल सुनुवाइ थाल्नेछ । तर, सम्बिधान, कानून र मुलुकको समग्र अवयवहरु जोडिएको यति गम्भीर विषयको छिनोफानो पाँच सदस्यीय संबैधानिक इजलासले नै गर्ने हो या धेरैभन्दा धेरै न्यायाधीश सम्मिलित इजलासले गर्ने हो सो को भने अझै टुंगो लागिसकेको छैन ।