प्रधानमन्त्री पत्नीको कमलो मन

प्रधानमन्त्री केपी शर्मा ओलीकी धर्मपत्नी राधिका शाक्यले समता स्कुलमा अध्ययन गरेर स्वीट्जरल्याण्डस्थित एग्लोन कलेजमा छात्रवृत्ति पाएकी अस्मिता अधिकारीलाई भेटी ६० हजार रूपैयाँ सहयोग गर्नुभएको छ । राजधानीमा मासिक १ सय रूपैयाँ शुल्कमा विद्यार्थी अध्यापन गर्दै आएको समता विद्यालयबाट उतीर्ण अधिकारीलाई शाक्यले ल्यापटप र न्यानो कपडा खरिद गर्न उक्त रकम उपलब्ध गराउनुभएको हो ।

बिहीबार अधिकारीको निवासमा पुगेर शाक्यले उक्त रकम नेपाल राष्ट्र बैंकबाट प्राप्त (निवृत्तिभरण) पेन्सन भएको बताउनुभएको थियो । उहाँले कलेजका कार्यकारी निर्देशक रिचर्ड म्याकडोनाल्डलाई पनि नेपाली पस्मिना उपहार दिनुभएको थियो ।

नेपाली धनाढ्य तथा गैरआवासीय नेपाली संघका प्रथम अध्यक्ष उपेन्द्र महतोकी छोरी पनि अध्ययनको लागि संसारकै महँगो कलेजमध्ये एक मानिने त्यहि कलेजमा भर्ना भएकी छन् ।