सैनिक टाेली पाकिस्तानको अध्ययन भ्रमणमा
नेपाली सेनाले सञ्चालन गरेको सैनिक कमाण्ड तथा स्टाफ तालिमका सहभागीहरु पाकिस्तान गएका छन् । उनीहरु एअर अरेबियाको उडानमा दिउँसो २ बजे काठमाडौंबाट संयुक्त अरब इमिरेट्सको सारजाँह हुँदै पाकिस्तान गएका हुन् ।
सेनाको गत बैशाखदेखि सञ्चालित सि.सं.३१ कमाण्ड तथा स्टाफ तालिममा स्वदेशी तथा विदेशी सैनिकहरु सहभागी छन् । केही शिक्षकसहित ती प्रशिक्षार्थीहरु आजदेखि पाकिस्तानको अध्ययन भ्रमणमा निस्केका हुन् । उपरथी कृष्णदेव भट्टको नेतृत्वमा १६ सदस्यीय टोली आगामी मंगलबार पाकिस्तानबाट फर्कने बुझिएको छ ।
टिप्पणीहरू