ओली दुर्गन्धित भए : रावल

नेकपा (बहुमत) का नेता भीम रावलले प्रधानमन्त्री ओली गन्हाएर दुर्गन्धित भएको बताउनुभएको छ । अनेरास्ववियू उपत्यकास्तरीय भेलालाई सम्बोधन गर्दै उहाँले ओलीलाई सिद्धान्त र नीतिका डल्लाले धोएर समेत सफा गर्न नसकिएको भनी कटाक्ष गर्नुभयो ।

‘ओलीलाई सिद्धान्त र नीतिका साबुनका डल्लाले धोयौं, विधिको डल्लाले धोयौं । त्यसरी धुँदाधुँदा ड्रमका ड्रम सिद्धान्त सकिए । विधि सकिए, नीति सकिए । तर, अहिले बालुवाटार वरपर गइसक्नु छैन, ओली गन्हाएका छन्’, उहाँले भन्नुभयो ।

रावलले ओली एक नम्बर भगौडा भएको आरोपसमेत लगाउनुभएको छ ।