यो समय भ्याक्सिनको हो, कु’मतिमा नलाग्नुहोस्

प्रतिनिधिसभा विघटनविरुद्ध हरेक दिन नयाँ तरिका र शैलीको प्रदर्शन गर्दै आएको विवेकशील पार्टीले सोमबार सडकमा गमला प्रदर्शन गरेको छ । विरोध प्रदर्शनमा भित्ते घडी, ऐना, गमला, कागजको श्रीपेच सडकमा राखिएको छ । घडीमा ‘यो समय भ्याक्सिनको’ भनेर लेखिएको छ ।

माइतीघर मण्डलामा भैरहेको प्रदर्शनको नेतृत्व विवेकशील पार्टीका केन्द्रीय उपाध्यक्ष अजिता राईले गर्नुभएको छ । प्रदर्शनमा केन्द्रीय सदस्य विजय सिवाकोटी, शशीविक्रम कार्कीलगायतको उपस्थितिमा रहेको जनाइएको छ ।

प्रदर्शनकारीहरूले ‘अधिनायकवादको बाटोमा केपी ओली’, ‘केपीमा चढ्यो श्री ३ को भुत’, ‘संसद भंग गरेर अधिनायकवाद जन्मिया’, ‘कू गर्न पाईंदैन, कू गर्ने नेता चाहिँदैन’, ‘यो समय भ्याक्सिनको हो ‘कु’मतिमा नलाग्नुहोस्’, ‘राष्ट्रवादको चटक बन्द गर’ जस्ता प्लेकार्ड देखाएका छन् ।