प्रधानमन्त्री निकट पत्रकारहरुको भेला

प्रधानमन्त्री ओलीनिकट प्रेस संगठनको दोस्रो राष्ट्रिय भेला काठमाडौंमा जारी छ । भेलालाई प्रधानमन्त्री तथा नेकपा ओली समूहका अध्यक्ष केपी शर्मा ओलीले सम्बोधन गर्दै हुनुहुन्छ । त्यस्तै, उपप्रधानमन्त्री ईश्वर पोखरेल गृहमन्त्री रामबहादुर थापा, सञ्चार,सूचना तथा प्रविधिमन्त्री पार्वत गुरुङ, ऊर्जामन्त्री टोपबहादुर रायमाझी पनि भेलामा उपस्थित हुनुहुन्छ ।

भेलामा संगठनका पूर्व महासचिव प्रमोद दाहाल, वरिष्ठ पत्रकारहरु कुन्दन अर्याल, महेन्द्र बिष्ट, तीर्थ कोइराला, माधव शर्मा, रघु मैनाली, शीतल साह, हरि जोशी, गोविन्द पोखरेललगायत उपस्थित रहेको बताइन्छ ।

भेलामा सरकारी सञ्चारमाध्यमका प्रमुखहरुलाई उपस्थित हुन भनिएको छ । यसअघि प्रचण्ड–माधव निकट प्रेस संगठनको भेलामा सरकारी सञ्चारमाध्यममा कार्यरत पत्रकारहरुको उपस्थिति न्यून थियो । हामी रातो झण्डा उडाउनेवाला हौं, पेरिसडाँडाको जस्तो कालो हैन-भेलामा प्रधानमन्त्रीले भन्नुभएको छ ।