आज राजधानीभित्र जे जे हुँदैछ

प्रधानमन्त्री केपी शर्मा ओलीले गरेको प्रतिनिधिसभा विघटनबिरोधी आन्दोलन,विरोध प्रदर्शन, अन्तरक्रिया, भेला, बैठक जारी छ। यसका साथै आज उपत्यकामा अन्य कार्यक्रम पनि आयोजना भैरहेका छन् ।

आज हुने कार्यक्रम यसप्रकारका छन् :

नेपाल कम्युनिस्ट पार्टी (नेकपा ओली समूह) सूर्यविनायक नगर २ नम्बर वडा कमिटीको अगुवा कार्यकर्ता भेला ।

काठमाण्डौ महानगरबाट सहिद सप्ताहको पहिलो दिन टेकु पचलीस्थित शुक्रराज शास्त्रीले अमरत्व प्राप्त गरेको स्थानमा श्रद्धाञ्जली सभा ।

भक्तपुर बैंक्वेट कालोपाटीमा पत्रकार महासंघ जिल्ला शाखा भक्तपुरको २२औँ साधारण सभा तथा स्व. मैयाँदेवी शिल्पकार स्मृति र स्व.भगवानदास महर्जन स्मृति पत्रकारिता पुरस्कार वितरण ।

राष्ट्रिय प्रजातान्त्रिक युवा संगठन नागार्जुन नगर कार्यसमितिको थापा पार्टी प्यालेस,फस्कुमा नगर कमिटी गठन तथा पार्टी प्रवेश कार्यक्रम ।

पुरानो बाटो सडक बिस्तार पीडित संघर्ष समितिबाट कानुनविपरित जनताको घरजग्गामाथि भइरहेको अन्यायपूर्ण सडक विस्तारको विरुद्ध विरोध कार्यक्रम महादेव स्थान बाहाखा बजार,भक्तपुरमा बिहानैदेखि जारी ।

विवेकशील साझा पार्टीबाट विप्लव समूहले आव्हान गरेको नेपाल बन्दको विरोधमा माइतीघर मण्डलामा प्रदर्शन गरेको छ ।

नेपाल मजदुर किसान पार्टी टोखा नगर समितिबाट ४७औं पार्टी स्थापना दिवस कार्यक्रम । टौमढीमा पुस्तक प्रदर्शन ।

त्यस्तै,सामाजिक संस्था अनुसुया रिसर्च सेन्टरका सदस्यहरू सुगम जंग केसी,सुनिल महर्जन र लाेहित श्रेष्ठले टिचिङ अस्पतालमा रहेका बेवारिसे लासहरुकाे उचित ब्यवस्थापन गराउन दवाव दिने उद्धेश्यले माइतीघर मण्डलामा सचेतनामूलक कार्यक्रम ।

अहिले बिहान ११ बजेदेखि नेपाली काङ्ग्रेस (वीपी) को केन्द्रीय समिति बैठक सामाखुसीमा ।

नेपाल कम्युनिस्ट पार्टी (नेकपा ओली समूह) तनहुँ-काठमाडौ सम्पर्क मञ्चबाट केन्द्रीय सदस्य डा. राजन भट्टराईको प्रमुख आतिथ्यतामा कार्यकर्ता सौगात पार्टी प्यालेस नयाँ बसपार्कमा ११ बजेबाट ।

मध्यान्ह १२ बजे काठमाडौ ब्यांक्वेट,थापागाँउमा नेकपा ओली समूहको पाँचथर-काठमाडौ सम्पर्क मञ्चले उर्जामन्त्री टोपबहादुर रायमाझीको प्रमुख आतिथ्यतामा कार्यकर्ता भेला ।

एसएस स्टडी सेन्टर बागबजारबाट पूर्वप्रधानसेनापति रुक्मांगत कटवाल,क्याप्टेन विजय लामा, पत्रकार ऋषि धमला, कलाकार सन्दिप क्षेत्री, कलाकार कृष्ण कंडेल, नेपाल आइडल बुद्ध लामा लगायतका ब्यक्तिहरूसंग अन्तरक्रिया सवा १२ बजे हार्दिक होटलमा ।

साढे ११ बजे नेकपा (प्रचण्ड-माधव) संखरापुर नगर कमिटीको प्रतिगमनविरुद्ध बृहत् जनसभा कार्यक्रम जहरसिंहपौवामा ।

त्यसैगरी,मार्क्सवादी ज्ञान केन्द्र, केन्द्रीय समितिले नेकपाका अध्यक्ष पुष्पकमल दाहाल प्रचण्डको प्रमुख आतिथ्यतामा ‘संसद विघटन र समाजवादी क्रान्तिको मार्गचित्र’ बिषयक अन्तर्क्रिया कार्यक्रम तथा मनहरि तिमल्सिनाद्धारा लिखित ‘कम्युनिस्ट स्कुल’ पुस्तकको लोकार्पण । मध्यान्ह १२ बजे हुने सो कार्यक्रम नेपाल प्रज्ञाप्रतिष्ठान (पुस्तकालय हल) कमलादीमा ।

अपरान्ह ३ बजे नेपाल कम्युनिस्ट पार्टी (नेकपा) जिल्ला कमिटी भक्तपुरले स्व.सत्यनारायण फैजू एवं स्व. निलम फैजूको श्रद्धान्जली कार्यक्रम गर्ने । श्रद्धाञ्जली सभा सत्यनारायण फैजूको निवास जगाती, भक्तपुरमा हुने ।

त्यसैगरी,नेपाल कम्युनिस्ट पार्टी (विप्लव समूह) ले गिरफ्तारीमा परेका नेता -कार्यकर्ताको रिहाइको माग राखीआज नेपाल बन्दको घोषणा गरेको छ ।

गंगामाया अधिकारीले छोरा कृष्णप्रसाद अधिकारीको हत्यारालाई कारवाहीको माग राखेर राष्ट्रिय ट्रमा सेन्टरमा पानी समेत नखाई शुरु गरेको लामो सत्याग्रह आज पनि जारी छ ।