लागुऔषधसहित अटोचालक पक्राउ

मकवानपुरमा लागुऔषध गाँजासहित एक जना पक्राउ परेका छन् । मंगलबार हेटौंडा उपमहानगरपालिका–१९ नेवारपानीस्थित पूर्वपश्चिम राजमार्गबाट गाँजासहित अटोचालक पक्राउ परेका हुन् ।

ना २ ह ४१०९ नम्बरको अटोमा राखिएको ११ किलो गाँजासहित पर्सा सखुवा पर्सौनी गाउँपालिक–२ का राजेन्द्र बहादुर दमाई पक्राउ परेको जिल्ला प्रहरी कार्यालय मकवानपुरका एसपी सोमेन्द्र सिंह राठौरले जानकारी दिनुभयो ।

दमाईको साथबाट ६७ हजार नेपाली र २५ सय भारतीय रुपैयाँसमेत बरामत भएको प्रहरीले जनाएको छ।