नेविसंघका कार्यकर्तावीच मारामार

नेविसंघका कार्यकर्ता आपसमा कुटाकुट गर्दा तीन जना घाइते भएका छन् । सोमबार शंकरदेव क्याम्पसमा पाठ्यपुस्तक बिक्रीवारे सभापति शेरबहादुर देउवा र वरिष्ठ नेता रामचन्द्र पौडेलपक्षीय कार्यकर्ताबीच उत्पन्न विवाद झडपमा परिणत भएको थियो ।

झडपमा सभापति देउवापक्षीय विद्यार्थीनेता शंकरदेव क्याम्पस इकाई सभापति विवेक लामासहितका विद्यार्थी नेता घाइते भएको सो पक्षले जनाएको छ ।

सोमबारको घटनालाई लिएर अघि दिउँसो विवेक लामा समूहले पौडेल र विजयकुमार गच्छदार पक्षका विद्यार्थी नेताहरुमाथि क्याम्पस हाताभित्रै आक्रमण गरेको हो ।

आक्रमणमा परी नेविसंघ पर्वत–काठमाडौं सम्पर्क समितिका सचिव तथा क्याम्पस इकाई सदस्य नवीन पौडेल र पूर्वलोकतान्त्रिक फोरम विद्यार्थी संघका ईकाइअध्यक्ष (हाल नेविसंघ) अमृत कार्की घाइते भएका छन् ।घाइते विद्यार्थीहरु अहिले क्याम्पसमै रहेको र स्थिति सामान्य भैसकेको प्रहरीले बताएको छ ।