सवारी साधनको ठक्करले विद्यार्थीको निधन, चक्रपथको सातदोबाटो–ग्वार्को खण्ड अवरुद्ध

आज बिहान कोटेश्वर बहुमुखी क्याम्पसमा अध्ययनरत छात्रा अञ्जु दाहाललाई सवारी साधनले ठक्कर दिएर मारेको भन्दै क्याम्पस चिफको नेतृत्वमा विद्यार्थीहरुले चक्रपथको ग्वार्को–सातदोबाटो खण्ड बन्द गरेर प्रदर्शन गरेका छन् । आज बिहान पाँच बजे क्याम्पस जाने क्रममा दाहाललाई सवारी साधनले ठक्कर दिएपछि घटनास्थलमै निधन भएको विद्यार्थीहरुको आरोप छ ।

प्रदर्शनकारीले सिन्धुपाल्चोक घर भई उक्त क्याम्पसमा स्नातक पहिलो वर्षमा अध्ययनरत २३ वर्षीया विद्यार्थीलाई ठक्कर दिने चालकलाई कारबाही र उचित क्षतिपूर्तीको माग गरी सडक अवरुद्ध गरेका हुन् । प्रदर्शनमा क्याम्पस प्रमुख गोविन्द कार्की समेत सहभागी छन् ।