कालिमाटीमा तीन जना घाइते

काठमाण्डौको कालिमाटीमा बोलेरोको ठक्करबाट मोटरसाइकलमा सवार तीन जना घाइते भएका छन् ।

एक छिन अगाडि रवि भवनबाट आउँदै गरेको बा १८ प ८६८२ नम्बरको बोलेरोले विपरित दिशाबाट आउँदै गरेको बा ५२ प ८५४२ नम्बरको मोटरसाइकललाई ठक्कर दिँदा तीन जना गम्भीर घाइते भएका हुन् ।

घाइते हुनेमा मोटरसाइकलमा सवार कालिमाटीका ३३ वर्षीय सुदिम पोख्रेल,३२ वर्षीय निन्जा पोख्रेल र ५ वर्षका रियन पोख्रेल रहेको प्रहरीले जनाएको छ । प्रहरीका अनुसार घाइते सबैलाई उपचारका लागि कालिमाटीस्थित ज्योति अस्पताल लगिएको छ ।

प्रहरीले बोलेरोसहित चालक धादिङका जीतबहादुर श्रेष्ठलाई कालिमाटी बृत्तमा राखिएको बताएको छ ।