पशुपतिमा भीड बढ्दै

शिवरात्रीको अवसरमा दर्शन गर्न पशुपतिनाथ मन्दिर पुग्ने भक्तजनको संख्या बढ्दै गएको छ । बिहान साढे ९ बजेसम्म ३५ हजार जना दर्शनको लागि पुगेका थिए भने साढे ११ बजे त्यो संख्या बढेर ५६ हजार पुगेको थियाे ।

मध्यान्ह साढे १२ बजे पशुपतिनाथ दर्शनको लागि पुगेका भक्तजन र दर्शनार्थीहरुको संख्या ६६ हजार नाघेको छ । त्यसैगरी अहिले पशुपतिमा दर्शनको लागि लाइनमा रहेका दर्शनार्थीहरुको संख्या १५ हजार माथि रहेको बताइन्छ ।

यसअघि लाइनमा बसेका दर्शनार्थीहरुको संख्या ८ हजार र साढे ११ बजे १२ हजार थियो ।