कालु पाण्डेको समाधिस्थलमा रास्ट्रपति: प्रधानमन्त्री ओलीले भोलि उछित्तो काढ्ने

नेपाल एकीकरणका एक सेनापति कालु पाण्डेको टाउको गाडिएको ठाउँ चन्द्रागिरि वडा नं १ र ईन्द्रदहमा भोलि बिहान ९ बजे राष्ट्रपतिकाे भ्रमण हुन लागेको छ । भोलि नै बिहान ११ बजे भृकुटीमण्डपमा हुने एमाले महिला संघको भेलामा प्रधानमन्त्री केपी ओलीले आज जिम्मेवारीबाट बर्खास्त गरिएका पार्टीको अर्को खेमाका नेताहरुको उछित्तो काढ्ने कार्यक्रम छ ।

प्रधानमन्त्री केपी शर्मा ओलीले उद्घाटन गर्ने उक्त भेलामा मुलुकभरबाट १ हजार भन्दा बढी अगुवा महिला कार्यकर्ता सहभागी हुने संघले जनाएको छ ।

‘संविधानको पूर्ण कार्यान्वयन गर्दै महिला समानता सुनिश्चित गरौं भन्ने मूल नाराका साथ आयोजना गर्न लागिएको भेलाले महिला हकहित तथा समानता र हिंसामुक्त समाज निर्माणका लागि ५ बुँदे घोषणा पत्र जारी गर्ने अनेमसंघकी सचिव सुजिता शाक्यले जानकारी दिइनन् ।

महिला दिवसको सन्दर्भमा साताव्यापी कार्यक्रम गरिरहेको संघले फागुन २४ गते काठमाडौँमा र्याली तथा सभाको आयोजना गरेको थियो ।