माइतीघरमा एक्लै उभिएर डाक्टरले गरे बिरोध

सरकारले गत वर्ष नै घोषणा गरेको कोभिड–१९ रोकथाममा संलग्न स्वास्थ्यकर्मीलाई प्रदान गर्ने भत्ता रकम हालसम्म उपलब्ध नगराएकोमा एकजना डाक्टरले सडकमा उभिएर बिरोध जनाएका छन् ।

सिभिल अस्पतालका डा. अजित मल्लिकले माइतीघर मण्डलामा प्लेकार्ड बोकेर सरकारको ध्यानाकर्षण गराएका हुन् । उनले बोकेको प्लेकार्डमा कोभिड भत्ता हराएको सूचना भन्दै लेखिएको छ ‘कृपया पाउने महानुभावले ९८४१६८००१९ मा सम्मर्क गरिदिनुहोला । धन्यवाद ।’

डाक्टरले सरकारलाई व्यङ्ग्य गर्दै लेखेका छन् ‘मास्क,सेनिटाईजर र सामाजिक दूरी कायमै छ । तर तपाईंको नियत कायम छैन । सरकार !’