गाँजा, पिकअप र गुरुजी नियन्त्रणमा

उदयपुरमा लागूऔषधका कारोबारी र दुव्यर्सनीहरू पक्राउ पर्ने सिलसिला बढेको छ ।

प्रहरीले विशेष अभियान अन्तर्गत विशेष सुराकीहरूमार्फत् सूचना संकलन गर्दै कारबाही गर्दा आज बिहान साढे नौ बजे उदयपुर बेलका नगरपालिका–८ कोठूघाटबाट ६ केजी २ सय ५० ग्राम लागूऔषध गाँजासहित एक जना चालकलाई पक्राउ गरेको छ ।

पक्राउ परेका चालक बेलका नगरपालिका–७ का २४ वर्षीय अनिस राई हुन् । उनले बा.४च १५१६ नम्बरको पीकअपमा लागूऔषध लुकाईछिपाई राखेको अवस्थामा प्रहरीले बरामद गरेको बताएको छ ।

गाउँतिरबाट हुईकिँदै आएपछि मदनभण्डारी राजमार्गको सडक खण्डमा चेकजाँच गर्न खटिएको प्रहरी र ट्राफिक प्रहरीको संयुक्त टोलीले गाडी खानतलासी गरेको थियो ।

थप अनुसन्धानको लागि चालक र पिकअप गाडीलाई प्रहरीको नियन्त्रणमा राखिएको छ ।