टिकटक बनाउने सुरमा एकको मृत्युु

उदयपुरमा भिरालो सतहमा चढेर टिकटक बनाउने क्रममा भीरबाट गुल्टेर एक किशोरले ज्यान गुमाएका छन् । प्रहरीका अनुसार उदयपुरको कटारी नगरपालिका–११ हर्देनीस्थित भिरालो सतहमा टिकटक बनाउँदा ज्यान गुमाउने सुनसरी धरान–५ का १८ वर्षीय सुभाष परियार हुन् ।

धरानबाट ओखलढुङगा हिडेका परियार सवार ना १ च ३३७० नम्बरको सुमो हर्देनी सडकमा बिग्रेर मर्मत हुँदै थियो । मृतक परियार सुमाे मर्मत भएको बेला ओर्लेर नजिकैको भीरमा चढी टिकटक बनाउँदै थिए ।

यसैक्रममा उनी भीरबाट लडेर घाइते भए । घाइते परियारलाई उपचारको लागि कटारी अस्पताल ल्याउँदा ल्याउँदै बाटाेमै ज्यान गएको हाे । आज बिहान पौने १० बजेतिर याे घटना भएको जिल्ला प्रहरी कार्यालय उदयपुरले जनाएको छ । घटनाबारे थप अनुसन्धान गर्न घटनास्थलतर्फ प्रहरी खटेकाे छ ।