दक्षिणकालीमा अर्को अक्सिजन प्लाण्टको स्थापना हुने

दक्षिणकाली नगरपालिका–१ मा रहेको सीता अक्सिजन प्लाण्टले हालको परिस्थितिमा नयाँ प्लाण्ट जडानको तयारी गरिएको बताइएको छ । हालकोभन्दा बढी उत्पादन गर्ने प्लाण्ट भारतबाट ल्याउने क्रममा रहेको पनि आज जानकारी गराइएको छ ।

सीता अक्सिजन प्लाण्टले आज आयोजना गरेको पत्रकार सम्मेलनमा बोल्दै दक्षिणकाली नगरपालिकाका प्रमुख मोहन वस्नेतले प्लाण्टको निम्ति आवश्यक पानी चौबिसै घण्टा उपलब्ध गराउन नगरपालिका तयार रहेको बताउनुभएको छ । उहाँले अक्सिजन उत्पादनमा आवश्यक पानी र विद्युत बेरोकटोक उपलब्ध गराउन आफू प्रतिबद्ध रहेको बताउनुभएको छ ।

त्यसैगरी उप प्रमुख वसन्ती डङ्गोल तामाङ्गले अहिलेको विषम परिस्थितिलाई आत्मसात् गर्दै पूरानो प्लाण्टको उत्पादनमा गतिरोध नआओस् भन्नेतर्फ नगरपालिका सजग रहेको बताउनुभयो ।

उहाँले नयाँ प्लाण्ट स्थापनामा नगरपालिकाले यथोचित सहयोग पुर्याउने समेत उल्लखे गर्नुभएको छ ।