कोरोनाबाट आज १ सय ८७ जनाको मृत्यु, ८ हजार १ सय बढीमा संक्रमण
कोरोना संक्रमणबाट आज १ सय ८७ जनाको ज्यान गएको छ ।
स्वास्थ्य तथा जनसंख्या मन्त्रालयका अनुसार आज ८ हजार १ सय ६७ जनामा संक्रमण पुष्टि भएको छ ।
पछिल्लो २४ घण्टामा गरिएको १७ हजार ९ सय ७१ पीसीआर तथा ५ सय ७७ जनामा एन्टिजेन गरी १८ हजार ५ सय ४८ जनामा परीक्षण गरिएको थियो ।
आज नेपालमा संक्रमणमुक्त हुनेको संख्या ५ हजार ४ सय ५५ पुगेको छ । हालसम्म ४ हजार ८ सय ५६ जनाले ज्यान गुमाएका छन् । आज मुलुकभर सक्रिय संक्रमितको संख्या १ लाख ९ हजार ७ सय ४० जना रहेको छ ।
पछिल्लो २४ घण्टामा ६ सय ७५ जना क्वारेण्टाइनमा बसेका छन् ।
टिप्पणीहरू