बौध्दमा भेटियो बोराभित्र जलेको शव
काठमाण्डौँको बौध्दस्थित टाउनप्लानिङ क्षेत्रमा बोराभित्र डढेको र हातखुट्टा काटिएको अवस्थाको शव भेटिएको छ ।
आज बिहान स्थानीयले बोरामा शव देखेपछि प्रहरीलाई खबर गरेको महानगरीय प्रहरी परिसरका प्रवक्ता रमेशकुमार बस्नेतले जनआस्थालाई बताउनुभएको छ । बस्नेतका अनुसार अहिले प्रहरी टोली घटनास्थलमा पुगेर अनुसन्धान गरिरहेको छ ।
उहाँले भन्नुभयो ‘शवको केही अंश जलेको अवस्थामा छ । घटनाको थप विवरण भने आउन बाँकी छ ।’
घटना अनुसन्धानका लागि नेपाल प्रहरीको के नाइन डिभिजनबाट तालिम प्राप्त कुकुरसमेत घटनास्थलमा लगिएको छ भने प्रहरीले शवको वरिपरी कसैलाई जान दिएको छैन ।
टिप्पणीहरू