प्रहरी चौकीमा हान्नेहरु बल्ल गिरफ्तार
सुनसरीमा प्रहरी पोष्ट तोडफोड गर्ने पाँच जना पक्राउ परेका छन् । धरान उपमहानगरपालिका–१५ नयाँ बसपार्कस्थित अस्थायी प्रहरी पोष्ट तोडफोड कार्यमा संलग्न रहेको अभियोगमा आज ती समातिएका हुन्,जसमा धरान उपमहानगरपालिका वडा नं.५ का २४ वर्षीय विक्रम राई,वडा नं. ३ का २७ वर्षीय सिजन राई,४ का २६ वर्षीय कालु भनिने सरोज लिम्बु, ३० वर्षीय बसन्त राई र वडा नं. १५ का ३२ वर्षीय रेगन लिम्बु रहेका छन् ।
पक्राउ परेका मध्ये विक्रम, सिजन र सरोजलाई धरान उपमहानगरपालिका–५ देउरालीबाट जेठ १८ तथा बसन्त र रेगनलाई धनकुटा छथर पोखरी–४ बन्चरेबाट सोमबार पक्राउ गरिएको हो ।
जेठ १३ गते प्रहरी पोष्ट तोडफोड भएको घटनामा संलग्न रही फरार रहेकाहरुको खोजी गर्ने क्रममा जिल्ला प्रहरी कार्यालय सुनसरीबाट खटिएको प्रहरीले मोरङ,तेह्रथुम र धनकुटाका प्रहरी कार्यालय र १ नम्बर प्रदेश प्रहरी व्यूरो समेतको सहयोगमा घटनामा संलग्न १० जनामध्ये ५ जनालाई पक्राउ गरेको हो ।
टिप्पणीहरू