पेट्रोलियम पदार्थको मूल्यवृद्धि विरुद्ध बैद्य माओवादी सडकमा

मोहन बैद्य नेतृत्वको नेकपा (क्रान्तिकारी माओवादी)को विद्यार्थी संगठन अखिल (क्रान्तिकारी)ले सरकारले हालै गरेको इन्धनको मूल्यवृद्धि फिर्ता लिन माग गरेको छ । क्रान्तिकारीले आज विज्ञप्ति जारि गर्दै मूल्यवृद्धि फिर्ता लिन माग गरेको हो ।

नेपाल आयल निगमले बुधबार मध्यरातदेखि लागू हुनेगरी पेट्रोल, डिजेल र मट्टितेलको मूल्य लिटरमै ३ रुपैयाँ बढाउने निर्णय गरेको थियो । यस्तै, खाना पकाउने ग्यासको मूल्य पनि एक सिलिन्डरमा ७५ रुपैयाँ बढाईएको छ ।पेट्रोल, डिजेल र ग्याँसको भाउ बढ्दा जनताको दैनिकीमा प्रत्यक्ष असर गरेको भन्दै जाने क्रान्तिकारीले बढाइएको मूल्य अबिलम्ब फिर्ता गर्न सरकार, आयल निगम र सम्बन्धित निकायलाई भनेको छ । बढेको मूल्य फिर्ता नगरे सशक्त सङ्घर्षमा उत्रन बाध्य हुने क्रान्तिकारीको चेतावनी छ ।