आफू चढेको ट्रयाक्टरले थिचेपछि विक ठहरै

खोटाङको रावाबेशी गाउँपालिका–५ भदौरे सडक खण्डमा ट्रयाक्टर दुर्घटना हुँदा एक जनाको मृत्यु भएको छ । आज बिहान ढुंगा बोक्न जाँदै गरेको प्रदेश २–०३–००१त ३२९४ नम्बरको ट्रयाक्टर सडक किनारमा कोल्टे परेर दुर्घटना भएको हो ।

ट्रयाक्टर कोल्टे भएपछि त्यसमा सवार रहेका रावाबेशी–५ का रोशन बिकलाई चक्काले किचेको थियो । उनको घटनास्थलमा नै मृत्यु भएको प्रहरीले जनाएको छ ।

ट्रयाक्टर र चालक रावाबेशी–३ का रोशन भुजेललाई ऐंसेलुखर्क प्रहरीले नियन्त्रणमा लिएर घटनाको थप अनुसन्धान गरिरहेको छ ।