जन्ती बोकेको ट्याक्टर दुर्घटना, १ को मृत्यु

उदयपुरमा जन्ती बोकेको ट्याक्टर दुर्घटना हुँदा एक जनाको ज्यान गएको छ भने १९ जना घाइते भएका छन् ।

दुर्घटनामा त्रियुगा नगरपालिका–१४ का १९ वर्षीय मिलन मग्रातीको घटनास्थलमै ज्यान गएको जिल्ला प्रहरी कार्यालय उदयपुरले बताएको छ । प्रहरीका अनुसार त्रियुगा नगरपालिका–१६ रातापानीबाट जन्ती बोकेर नेपालटारतर्फ जाँदै गरेको प्र २–०१–००१ त १०९६ नम्बरको ट्याक्टर आज दुर्घटना भएको हो ।

घाइतेहरूको उद्धार गरी जिल्ला अस्पताल गाईघाट ल्याउने क्रम जारी रहेको जिल्ला प्रहरी कार्यालय उदयपुरका प्रमुख एसपी सुवासचन्द्र बोहोराले जानकारी दिए । घाइतेहरूको अवस्था र थप विवरण आउन बाँकी रहेको प्रहरीले बताएको छ ।