टिचिङ हस्पिटलभित्र मध्यरातमा ताल्चा लगाइयो

नेपाल विद्यार्थी संघ (नेविसंघ) ले गए राति महाराजगञ्जस्थित त्रिभुवन शिक्षण अस्पताल हाताभित्र रहेको चिकित्सा शास्त्र अध्ययन संस्थान, डिनको कार्यालयमा ताल्चा लगाएको छ । नेविसंघको इकाइ समितिका सभापति डा. मिर्जा सिद्धिकीलगायतका विद्यार्थीले राति १० बजे ताल्चा लगाएका हुन् ।

उनीहरुले सहायक डिन नियुक्तीको विषयलाई लिएर डिनको कार्यालयमा ताल्चा लगाएको बताएका छन् । तर आज बिहान ९ बजे प्रहरीको रोहबरमा त्यहाँको प्रशासनले ताल्चा फुटाएपछि नेविसंघले विरोध गरेको छ ।

नेविसंघले बिना सहमति र जानकारी नदिई ताल्चा खोलिएको भन्दै विरोध जनाएको हो । विरोधस्वरुप संघले आज बिहान टिचिङ हस्पिटल हातामा प्रदर्शन समेत गरेका छन् ।