नेकपा एकीकृत समाजवादीका उम्मेदवारहरुले उम्मेदवारीसँगै सम्पत्ति विवरण देखाउने
नेकपा एकीकृत समाजवादी पार्टीको तर्फबाट स्थानीय तह निर्वाचनमा उम्मेदवारी दर्ता गर्नेले सोही दिन आफ्नो सम्पत्ति विवरण सार्वजनिक गर्ने भएका छन् ।
पार्टीले आज सार्वजनिक गरेको घोषणापत्रमा उक्त कुरा उल्लेख छ । भ्रष्टाचारमुक्त स्थानीय सरकार बनाउन उक्त प्रावधान राखिएको नेकपा एकीकृत समाजवादीले जनाएको छ ।
‘स्थानीय तहको निर्वाचनमा उम्मेदवारी दाखिला गरेकै दिन हाम्रा उम्मेदवारहरुले आफ्नो सम्पत्ति विवरण सार्वजनिक गर्ने छन्,’ नेकपा घोषणापत्रमा उल्लेख छ । यस्तै जनप्रतिनिधिले आफ्नो कुनै पनि रूपको सम्पत्ति सम्बन्धित स्थानीय सरकारबाट भाडामा लिने गरी परिचालित नगर्ने प्रतिबद्धता समेत घोषणापत्रमा गरिएको छ ।
आफ्नो पालिकाका विकास निर्माणमा ठेक्का लिने वा सामान आपूर्ति गर्ने खालका आर्थिक स्वार्थका काममा समेत जनप्रतिनिधिलाई सामेल नगराउने प्रतिबद्धता पनि नेकपा एकीकृत समाजवादीले गरेको छ ।
ट्रेन्डिङ पोस्ट
टिप्पणीहरू