जुम्लामा पनि सीसीटीभी क्यामरा झुण्डाइयो

जुम्लाका सबै निर्वाचन अधिकृतको कार्यालयमा सीसीटीभी क्यामरा जडान भएको छ । निर्वाचनमा मतगणना सुरक्षित होस भनेर सीसीटीभी क्यामरा जडान गरिएको हो ।

जुम्लाका प्रमुख जिल्ला अधिकारी विजयकुमारी प्रसार्इंका अनुसार आठैवटा स्थानीय तहका निर्वाचन अधिकृतको कार्यालयमा सीसीटीभी क्यामरा जडान गर्न यसअघि नै निर्देशन दिइएको थियो ।

प्रजिअ प्रसाई भन्छिन्, ‘केहीमा जडान भइरहेको सूचना आएको छ । सबै कार्यालयले अनिवार्य जडान गर्नुपर्नेछ ।’ विगतको निर्वाचनमा टेलिफोन सम्पर्क समेत नहुने कतिपय स्थानीय तहमा यस पटक भने सीसीटीभी क्यामरा जडान गरिएको हो ।